បន្ទាយមានជ័យ : ថ្ងៃពុធ ១០ កើត ខែស្រាពណ៍ ឆ្នាំរោង ឆស័ ពុទ្ធសករាជ ២៥៦៨ ត្រូវនឹងថ្ងៃទី១៤ ខែសីហា ឆ្នាំ២០២៤ លោក ឧត្តសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានចាត់តំណាងឱ្យលោក វរសេនីយ៍ទោ សោម សារុន នាយការិយាល័យប្រឆាំងបទល្មើសបច្ចេកវិទ្យា នាំយក ក្តាមឈូស ១ អង្ករ ចំនួន ២០០គីឡូក្រាម ទឹកក្រូច១០កេស ទឹកសុទ្ធ ២០យួរ ចូលរួមរំលែកទុក្ខក្នុងពិធី បុណ្យ
សព លោកយាយ ឈ្មោះ ហម សូត្រ អាយុ ៨៣ឆ្នាំ ត្រូវជាម្តាយបង្កើតលោក ហម សាវង្ស នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ដែលបានទទួល មរណ:ភាព នៅថ្ងៃទី១៣ ខែ សីហា ឆ្នាំ២០២៤ ដោយរោគគាពាធ ។ សរុបថវិកា ២.០០០.០០០ រៀល ។
ក្នុងឱកាសដ៏ក្រៀមក្រំនេះ លោក វរសេនីយ៍ទោ សោម សារុន ចូលរួមរំលែកមរណទុក្ខពី លោក ឧត្តមសេនីយ៍ទោ ស្នងការ ដល់ក្រុមគ្រួសារ ដោយមានសេចក្ដីក្ដុកក្ដួល និងសោកស្ដាយជាអនេក ។ សូមសម្តែងនូវក្តីសោកស្តាយស្រណោះអាឡោះអាល័យយ៉ាងក្រៃលែង ចំពោះការបាត់បង់រូបលោកយាយ ដែលជាការបាត់បង់ លោកយាយ ប្រកបដោយព្រហ្មវិហារធម៌ សូមបួងសួងឧទ្ទិសដល់គុណបុណ្យព្រះរតនត្រ័យ ជួយដល់ដួងវិញ្ញាណក្ខន្ធរបស់ លោកយាយ សូមឆាប់បានយោនយកកំណើតចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ។
លោក ហម សារង្ស តំណាងឱ្យ ក្រុមគ្រួសារនៃសព ក៏សូមគោរពថ្លែងអំណរអរគុណយ៉ាងជ្រាវជ្រៅទឹកចិត្ត មិនអាចកាត់ថ្លៃបាននូវការយកចិត្តទុក្ខដាក់មកលើក្រុមគ្រួសារនៃសព និងសូមគោរពជូនពរ ពុទ្ធពរ ៤ ប្រការ គឺ អាយុវណ្ណៈ សុខៈ ពៈលៈ កុំបីឃ្លៀងឃ្លាតឡើយ ៕
