កំពង់ស្ពឺ ៖ នាព្រឹកថ្ងៃព្រហស្បតិ៍ ៣រោច ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២២ ខែសីហា ឆ្នាំ២០២៤ នៅសាលប្រជុំ រដ្ឋបាលសាលាស្រុកភ្នំស្រួច លោកឧត្ដមសេនីយ៍ទោ (ឃឹម សុកខៃ )ស្នងការ នៃស្នងការ នគរបាលខេត្តកំពង់ស្ពឺ លោក (គាវ លាងគារ )អភិបាល នៃគណៈអភិបាលស្រុកភ្នំស្រួច លោក (ពេជ្រ ចន្ថា ប្រធាន )ក្រុមប្រឹក្សាស្រុកភ្នំស្រួច អញ្ជើញក្នុងពិធីប្រកាសតែងតាំងមុខតំណែង អធិការ នគរបាលស្រុកភ្នំស្រួច ពិធីប្រកាសបានការចូលរួមពី លោក លោកស្រី ស្នងការរង ទទួលផែនការងារជំនាញ ទាំង ១២ លោក ស្នងការរង ទទួលដឹកនាំទិសស្រុកភ្នំស្រួច លោក នាយ នាយរងការិយាល័យបុគ្គលិក លោក លោកស្រី អធិការរង លោក នាយ នាយរងផ្នែក លោកនាយប៉ុស្តិ៍នគរបាលរដ្ឋបាលទាំង១៣ ជាកិត្ដិយសពីកងកំលាំងឈរជើងក្នុងមូលដ្ឋានស្រុកភ្នំស្រួច មេបញ្ជាការស្ដីទី មូលដ្ឋានកងរាជអាវុធហត្ថ ស្រុកភ្នំស្រួច មេបញ្ជាការ ប្រតិបត្ដិការ ស្រុកភ្នំស្រួច លោកមេឃុំ ទាំង១៣ សមាជិក ក្រុមប្រឹក្សា ស្រុក និងសមាជិក ក្រុមប្រឹក្សាឃុំ ព្រមទាំងកងកម្លាំងមន្ត្រីនគរបាល មន្ត្រីសាលាស្រុកភ្នំស្រួច ជាច្រើនរូបទៀត។
យោងតាមប្រកាសលេខ: ៤៦៣៨ប្រ.ក ចុះថៃ្ងទី ០១ សីហា ២០២៤ សម្រេចផ្ទេរភារកិច្ចតែងតាំងមុខតំណែង លោកវរសេនីយ៍ទោ (ជុន ចន្ទដេត )អត្ដលេខ ៧២៦៥០ ពី អធិការរង ទទួលការងារសណ្ដាប់ធ្នាប់ នៃអធិការដ្ឋាននគរបាលស្រុក សំរោងទង ជា អធិការ នៃអធិការដ្ឋាននគរបាលស្រុកភ្នំស្រួច ។
