កំពង់ស្ពឺ÷នាព្រឹកថ្ងៃព្រហស្បតិ៍ ៨កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី១០ ខែតុលា ឆ្នាំ២០២៤នៅសាលប្រជុំស្នងការដ្ឋាននគរបាលខេត្តកំពង់ស្ពឺ មានកិច្ចប្រជុំបិទសវនកម្មផ្ទៃក្នុង ការិយបរិច្ឆេត ២០២៣ និងបណ្ដាឆ្នាំពាក់ព័ន្ធ ក្រោមអធិបតីភាព លោកឧត្ដមសេនីយ៍ឯក លីម ឡុង អគ្គនាយករង នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ និងលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ត ព្រមទាំងមានការអញ្ជេីញចូលរួម អមដំណើរប្រតិភូសវនករផ្ទៃក្នុងនៃសវនដ្ឋានជាច្រើនរូបនិងមានសមាសភាពអញ្ជើញចូលរួម ពីសំណាក់ លោក លោកស្រី ស្នងការរង ទទួលផែនការងារជំនាញទាំង១២ លោកស្នងការរង ជាជំនួយការដឹកនាំការិយាល័យ ចំណុះផែនការងារជំនាញ លោក លោកស្រី នាយ នាយរងការិយាល័យ លោក អធិការនគរបាលក្រុង ស្រុក ទាំង ០៩ ព្រមទាំងមន្ត្រីជំនាញពាក់ព័ន្ធមួយចំនួនទៀត។
មានប្រសាសន៍អំពីគោលបំណង នៃការធ្វេីសវនកម្មផ្ទៃក្នុង លោកឧត្ដមសេនីយ៍ឯក លីម ឡុង កត់សម្គាល់មាន ០៣ចំណុច ទី១ ការងារគ្រប់គ្រងកងកម្លាំង ( បុគ្គលិក ) ទី២ ការងារគ្រប់គ្រងទ្រព្យសម្បត្តិរដ្ឋ និងទី៣ការងារគ្រប់គ្រងហិរញ្ញវត្ថុផ្គត់ផ្គង់តាមរបបកំណត់ ការធ្វើសវនកម្មសំដៅបង្កេីនប្រសិទ្ធភាពការងារ ក្នុងនោះផងដែរ តាមរយៈប្រសាសន៍ ឯកឧត្តម នាយឧត្ដមសេនីយ៍ អគ្គស្នងការនគរបាលជាតិ ណែនាំតាម សវនកម្មផ្ទៃក្នុង គឺ ហាមដាច់ខាតការផ្ទេរមន្ត្រី ផ្លាស់ប្ដូរក្របខ័ណ្ឌមន្ត្រីនគរបាលដែលមិនទាន់បំពេញកាតព្វកិច្ចតាមការកំណត់ (ផ្ទេរនគរបាលប៉ុស្តិ៍រដ្ឋបាល) ព្រោះសារាចរណែនាំក្រសួងមហាផ្ទៃ បានកំណត់ច្បាស់ពាក់ព័ន្ធករណីអន្ដរាគមន៍ពីអង្គភាពដេីមទៅកន្លែងថ្មីតាមការចង់បានរបស់បុគ្គល ចំណុចនេះទោះបីជាថ្នាក់ដឹកនាំខិតខំជ្រេីសរេីសមន្ត្រីក្របខណ្ឌថ្មី បង្រ្គប់យ៉ាងណាក៏ទៅមិនរួចដែរ ព្រោះកំលាំងប្រមូលផ្ដុំតាមចំណង់ ឯការងារមូលដ្ឋានពិត គ្មានមន្រ្ដីបំពេញការងារ គោលការណ៍នៃការឧបត្ថម្ភនៅតែខ្វះ គ្មានលទ្ធភាពបំពេញ ការងារ ដូច្នេះការងារគ្មានប្រសិទ្ធភាពស្របតាមជំនាញនាពេលបច្ចុប្បន្ន ៕
