រាជធានីភ្នំពេញ ÷អាគារមួយកន្លែង នៅទីក្រុងភ្នំពេញ.ក្បែរ អធិការដ្ឋាននគរបាល ខណ្ឌសែនសុខ ចំនុចផ្លូវ៩២ សង្កាត់ឃ្មួញ ខណ្ឌសែនសុខរាជធានីភ្នំពេញ វេលាម៉ោង ២:២៦យប់ ថ្ងៃ២៥ខែតុលាឆ្នាំ២០២៤នេះ មានជនបរទេសជាច្រើននាក់ សម្រុករត់ចេញពីអាគារ ទាំងយប់ ដោយមិនដឹងមូលហេតុនៅឡើយ។
បើយោងតាម ក្រុមការងារអ្នកសារព័ត៌មានយើងថតរូបភាពបាន ទំនងជនបរទេសទាំងនោះ គឺជាជនអន្តោប្រវេសន៍ខុសច្បាប់និងមានលិខិតឆ្លងដែនប្រភេទទេសចរណ៍មកបបម្រើការងារនៅក្នុងប្រទេសកម្ពុជា ដោយមិនមានលិខិតបញ្ជាក់និងអនុញ្ញាតច្បាស់លាស់ មកលាក់ខ្លួននៅក្នុងអគារមួយកន្លែង បន្ទាប់ពីបានទទួលដំណឹងថាមានការបង្ក្រាបទ្រង់ទ្រាយធំនៅខេត្តកំពង់ស្ពឺទើបនាំគ្នាភ័យឆោឡោ និងរត់ចេញជៀសវាងការចាប់ខ្លួន។
លោក ហួរ ម៉េងវ៉ាង ជាអធិការខណ្ឌសែនសុខពិតជាមានសមត្ថភាពខ្ពស់ ក្នុងការគ្រប់គ្រងតំបន់ភូមិសាស្ត្រ របស់ខ្លួនមែន. រហូតដល់ជនអន្តោប្រវេសន៍លាក់ខ្លួនបានរាប់រយនាក់នៅតែមិនដឹងមិនឮ សូមសរសើរ ដោយស្មោះ។
តើហេតុអ្វីបានជាជនបរទេសរត់ចេញពីអគារទាំងយប់ ?
អង្គភាពអ្នកសារព័ត៌មានយើងស្នើសុំដល់ឯកឧត្តមអភិសន្តិបណ្ឌិត(សសុខា)ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃសូមមេត្តាចាត់មន្ត្រីជំនាញចុះត្រួតពិនិត្យអគារមួយកន្លែងនេះដោយក្តីអនុគ្រោះ។
អង្គភាពគេហទំព័រ ប្រម៉ាញ់ជាយដែនធីវី យើងគ្រាន់តែជាកញ្ចក់ឆ្លុះបញ្ចាំងស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការ តាមរបបអ្នកសារព័ត៌មានសូមអរគុណ។អត្ថបទ ដោយលោក មុតចិត្រា ប្រម៉ាញ់ជ័យដែន