មន្ទីរបរិស្ថានខេត្តកំពង់ធំ សហការជាមួយកម្លាំងស្នាក់ការអូរងាវនៃដែនជម្រកសត្វព្រៃព្រៃឡង់ បានឃាត់រថយន្តមួយគ្រឿងដឹកបទល្មើសធនធានធម្មជាតិ{ដឹកជញ្ជូនផលអនុផលព្រៃឈើដោយគ្មានលិខិតអនុញ្ញាត

(កំពង់ធំ)÷នៅថ្ងៃទី១១ ខែវិច្ឆិកា ឆ្នាំ២០២៤ វេលាម៉ោង៥និង២០នាទីល្ងាច ក្រោយបានទទួលបញ្ជារពីលោកលោក {តុប កក្កដា} ប្រធានមន្ទីរបរិស្ថានខេត្តកំពង់ធំ កម្លាំងទីចាត់ការអណ្ដាសនៃដែនជម្រកសត្វព្រៃបឹងពែរ ក្នុងភូមិសាស្រ្តខេត្តកំពង់ធំ បានសហការជាមួយកម្លាំងស្នាក់ការអូរងាវនៃដែនជម្រកសត្វព្រៃព្រៃឡង់បានចុះបង្ក្រាបបទល្មើសធនធានធម្មជាតិ(ដឹកជញ្ជូនផលអនុផលព្រៃឈើដោយគ្មានលិខិតអនុញ្ញាត)នៅចំណុចអូរងាវត្រង់និយាមកការលេខ536926_1464764 ស្ថិតក្នុងភូមិស្រែវាលកើត ឃុំដងកាំបិត ស្រុកសណ្ដាន់ ខេត្តកំពង់ធំ។

ដោយមានការចង្អុលបង្ហាញពីលោក {តុប កក្កដា} នៅក្នុងកិច្ចប្រតិបត្តិការបង្ក្រាបនេះកម្លាំងបានឃាត់រថយន្តមួយគ្រឿងម៉ាកMAZDAពណ៌សពាក់ស្លាកលេខភ្នំពេញ2BB 2412 ដឹកឈើម៉ៃតាប់ប្រភេទសុក្រំចំនួន១២ដុំ ស្មើ០.៩៤៨ម៉ែត្រគូប នៅវេលាម៉ោង៨និង៧នាទី យប់ថ្ងៃ១១ ខែវិច្ឆិកា ឆ្នាំ២ឥ២៤ កម្លាំងបានបន្តប្រតិបត្តិការបង្ក្រាបទៅលើរថយន្តមួយគ្រឿងទៀតនៅចំណុចទួលសេវាត្រង់និយាយមកការលេខ537693_1463141 ស្ថិតក្នុងភូមិស្រែវាលកើត ឃុំដងកាំបិត ស្រុកសណ្ដាន់ ខេត្តកំពង់ធំ។ នៅក្នុងកិច្ចប្រតិបត្តិការនេះយើងបានឃាត់រថយន្តមួយគ្រឿងម៉ាក់LEXUSពណ៌ស្ករពាក់ស្លាកលេខភ្នំពេញ2AN 1660 ដឹកឈើម៉ៃតាប់ប្រភេទសុក្រមចំនួន១៨ដុំ ស្មើ០.៧៩២ម៉ែត្រគូប។

លោក {តុប កក្កដា} ប្រធានមន្ទីរបរិស្ថានខេត្តកំពង់ធំ បានបញ្ជាក់ជាលទ្ធផល÷ឃាត់រថយន្តបានចំនួន០២គ្រឿង និងឈើចំនួន៣០ដុំ ស្មើ១.៧៤ ម៉ែត្រគូប បច្ចុប្បន្នវត្ថុតាងរក្សាទុក្ខបណ្ដោះអាសន្ននៅស្នាក់ការអូរងាវ ដេីម្បីបន្តនីតិវិធីតាមច្បាប់ក្រមបរិស្ថាននិងធនធានធម្មជាតិ៕ដោយ លោក សំនៀង