លោកវរៈសេនីយ៍ទោ សុខ សង្ហា នាយការិយាល័យប្រឆាំងគ្រឿងញៀនបានដឹកនាំកម្លាំង ចុះបង្ក្រាប ឃាត់ខ្លួនជនសង្ស័យ ៣នាក់ ដករហូតវត្ថុតាងនូវសារធាតុញៀនក្នុងបទល្មើសជាក់ស្ដែង ..!

ខេត្តតាកែវ ÷កាលថ្ងៃទី១៣ ខែវិច្ឆិកា ឆ្នាំ២០២៤ វេលាម៉ោង ១៣និង០៥នាទី ដោយអនុវត្តតាមបទបញ្ជាពី លោក ឧត្តមសេនីយ៍ទោ {ម៉ែន លី} ស្នងការនគរបាលខេត្តតាកែវ។ ដឹកនាំបញ្ជាផ្ទាល់ពីលោក វរសេនីយ៍ឯក {ចុល ចេក }ស្នងការ រង ផែនការងារប្រឆាំងគ្រឿងញៀន, លោកវរសេនីយ៍ទោ {សុខ សង្ហា} នាយការិយាល័យប្រឆាំងគ្រឿងញៀន និងមានការ សម្របសម្រួលពី ឯកឧត្តម{ ឯក ឆេងហួត }ព្រះរាជអាជ្ញាររមសាលាដំបូងខេត្តតាកែវ កម្លាំងជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តតាកែវ បានចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវ សារធាតុញៀន នៅចំណុចក្នុងភូមិស៊ីស្លា ឃុំធ្លាប្រជុំ ស្រុកកោះអណ្តែត ខេត្តតាកែវ បានធ្វើការ ឃាត់ខ្លួនជនសង្ស័យចំនួន០៣នាក់៖
១-ឈ្មោះ {ឡេញ យ៉ុងតៃ }ភេទប្រុស អាយុ៣៧ឆ្នាំ ជនជាតិខ្មែរ មុខរបរ មិនពិត ប្រាកដ មានស្រុកកំណើតនៅភូមិបី ឃុំភូហ៊យ ស្រុកឃ្លៀងអាំងភូ ខេត្តអានយ៉ាង ទីលំនៅបច្ចុប្បន្នភូមិស៊ីស្លា ឃុំធ្លាប្រជុំ ស្រុកកោះអណ្តែត ខេត្តតាកែវ {ជួញដូរ-ប្រើប្រាស់}
២-ឈ្មោះ {អ៊ុម សំរិទ្ធ} ភេទ ប្រុស អាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិរមេញជើង ឃុំរមេញ ស្រុកកោះអណ្តែត ខេត្តតាកែវ{ប្រើប្រាស់}
៣-ឈ្មោះ{ឌី សីហា} ភេទ ប្រុសអាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិលៀប ឃុំធ្លាប្រជុំ ស្រុកកោះអណ្តែត ខេត្តតាកែវ {ប្រើប្រាស់}ដកហូតវត្ថុតាងនៅនឹងខ្លួនជនសង្ស័យបានរួមមាន៖ ម្សៅក្រាមពណ៌សថ្លាចំនួន០២កញ្ចប់-ទូរស័ព្ទចំនួន០២ គ្រឿង រួចបញ្ជូនមកកាន់ស្នងការដ្ឋាននគរបាលខេត្តតាកែវ ដើម្បីកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការបន្ត តាមនីតិវិធីច្បាប់៕ដោយ លោកសឿន ចិត្រា សារ៉ា វុទ្ធ