ខេត្តកំពង់ចាម÷នៅរសៀលថ្ងៃអង្គារ ទី០៣ ខែធ្នូ ឆ្នាំ២០២៤ លោកឧត្តមសេនីយ៍ទោ {ហេង វុទ្ធី }ស្នងការនគរបាលខេត្តកំពង់ចាម បានអញ្ជើញសំណេះសំណាល ជាមួយក្រុមកីឡាករបាល់ទះ នៃស្នងការដ្ឋាននគរបាលខេត្តកំពង់ចាម ដែលនឹងត្រូវចូលរួមប្រកួតកម្មវិធីកីឡាបាល់ទះដណ្ដើមពានរង្វាន់ “សម្ដេចក្រឡាហោមសខេង ឆ្នាំ២០២៤” នាពេលខាងមុខនេះ ។
ក្នុងឱកាសសំណេះសំណាលនោះដែរ លោកឧត្តមសេនីយ៍ស្នងការ បានលើកការកោតសរសើរដល់គ្រូបង្វឹក និងក្រុមកីឡាករ ដែលខិតខំវឹកហាត់ ហើយទទួលបានជ័យលាភីជាបន្ដបន្ទាប់ និងបានផ្ដល់អនុសាសន៍មួយចំនួនបន្ទាប់ពីក្រុមកីឡាករបានទទួលបទពិសោធន៍ល្អៗ ក្នុងការប្រកួត នាពេលកន្លងមកនេះ ។
ជាមួយគ្នានេះ លោកឧត្តមសេនីយ៍ស្នងការ បានឧបត្ថម្ភថវិកា និងសម្ភារៈមួយចំនួនដល់គ្រូបង្វឹក និងក្រុមកីឡាករ មានដូចជាៈ
១-ថវិការួម ៣,២០០,០០០រៀល
២-អាវប្រតិភូ ១៥អាវ
៣-អាវគ្រូបង្វឹក ០៦អាវ
៤-ខោអាវកីឡាករ ៣៤ឈុត
៥-ស្បែកជើងកីឡាករ ១៦គូរ
៦-សានូពាក់ជង្គង់ ១៤គូរ
សរុបជាថវិកាចំណាយអស់ចំនួន ១០,៥៣០,៨០០រៀល ៕
