ជនសង្ស័យម្នាក់ជ ១នាក់ជា មុខសញ្ញា លួចផ្លែស្វាយ និងត្រយូងចេក ត្រូវបានកម្លាំងសមត្ថកិច្ចនគរបាលស្រុកសំពៅលូនឃាត់ខ្លួនបានភ្លាមៗ យកមកអនុវត្តតាមនីតិវិធី..!?

បាត់ដំបង÷អនុវត្តតាមបទបញ្ជារបស់លោក ឧត្តមសេនីយ៍ទោ {ដាញ់ អេងប៊ុនចាន់} ស្នងការ នៃស្នងការដ្ឋាននគរបាលខេត្តបាត់ដំបង និងមានការសម្របសម្រួលនីតិវិធីពី ឯកឧត្តម{ កែវ សុជាតិ }ព្រះរាជអាជ្ញា អមសាលាដំបូងខេត្តបាត់ដំបង ក្រោមការដឹកនាំបញ្ជាផ្ទាល់របស់លោកវរសេនីយ៍ទោ {ទឹម វិឆ័យ} អធិការ នៃអធិការដ្ឋាននគរបាលស្រុកសំពៅលូន

នៅថ្ងៃទី០៤ ខែធ្នូ ឆ្នាំ២០២៤ វេលាម៉ោងប្រហែល ១៦ និង ១០ នាទី នៅចំណុចក្រុមទី០១ ភូមិវាលវង់ ឃុំតាស្តា ស្រុកសំពៅលូន ខេត្តបាត់ដំបង មានករណី អំពើលួច {ផ្លែស្វាយ និងត្រយ៉ូងចេក } កើតឡើងដែលបង្ករឡើងដោយជនសង្ស័យ
ឈ្មោះ {ង៉ោល យ៉ែម } ភេទប្រុស អាយុ ២៨ ឆ្នាំ មានទីលំនៅ ភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង។

បានធ្វើសកម្មភាពលួចផ្លែស្វាយ និងត្រយ៉ូងចេក របស់ជនរងគ្រោះ
ឈ្មោះ {អាន ចាន់ }ភេទប្រុស អាយុ ៣៦ ឆ្នាំ មានទីលំនៅបច្ចុប្បន្ន ភូមិវាលវង់ ឃុំតាស្តា ស្រុកសំពៅលូន ខេត្តបាត់ដំបង មុខរបរ ធ្វើចំការ នៅចំណុចចំការកន្លែងកើតហេតុខាងលើ ក្នុងពេលធ្វើសកម្មភាព ក៏ត្រូវជនរងគ្រោះឃើញទាន់ និងបានប្តឹងរាយការណ៍មកកម្លាំងសមត្ថកិច្ច ភ្លាមៗនោះកម្លាំងសមត្ថកិច្ចជំនាញ នៃអធិការដ្ឋាននគរបាលស្រុកសំពៅលូន បានសហការជាមួយកម្លាំងប៉ុស្តិ៍នគរបាលរដ្ឋបាលតាស្តា បានចុះទៅដល់ទីកន្លែងកើតហេតុ និងបានធ្វើការឃាត់ខ្លួនជនសង្ស័យឈ្មោះ {ង៉ោល យ៉ែម} ភេទប្រុស អាយុ ២៨ ឆ្នាំ មានទីលំនៅ ភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង ។

វត្ថុតាង÷ដែលសមត្ថកិច្ចចាត់បករហូតយកបានរួមមាន ផ្លែស្វាយចំនួន មួយការ៉ុង ស្មើនឹង ១៣៥ គីឡូក្រាម ត្រយ៉ូងចេកចំនួនកន្លះការ៉ុង ស្មើនឹង ១៦ត្រយ៉ូង, កាំបិតចំនួន០១ ម៉ូតូចំនួន ០១ គ្រឿង ម៉ាកហុងដាឌ្រីម សេរីឆ្នាំ២០២០ ផ្លាកលេខ 1AJ-6951 បាត់ដំបង ដែកកេះសម្រាប់ជក់គ្រឿងញៀន ចំនួន០១ និងសម្ភារៈសម្រាប់ជក់គ្រឿងញៀនមួយចំនួន នាំមកកាន់អធិការដ្ឋាននគរបាលស្រុកសំពៅលូន ដើម្បីធ្វើការសាកសួររួចហើយ កសាងសំណុំរឿងចាត់ការបន្ត ។បច្ចុប្បន្ន ជន់សង្សារ ខាងលើ ត្រូវបានសមត្ថកិច្ចជំនាញ នៃអធិការរដ្ឋាន នគរបាលស្រុកសំពៅលូន បញ្ជូនទៅស្នង ការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធីច្បាប់។ ដោយ លោក សឿន ចិត្រាសារ៉ាវុទ្ធ អង្គភាព ប្រម៉ាញ់ជាយដែន