បាត់ដំបង៖ នៅយប់ថ្ងៃទី២៦ខែធ្នូ ឆ្នាំ២០២៤ ដេីម្បីរក្សាបាននូវសន្តិសុខ សណ្តាប់ធ្នាប់សង្គមក្នុងមូលដ្ឋាន ខេត្តបាត់ ដំបង ជាពិសេសបង្រ្កាបចំពោះក្រុមក្មេងទំនេីង បង្កអណាធិបតេយ្យពេលយប់ លោកឧត្តមសេនីយ៍ទោ {ដាញ់អេងប៊ុនចាន់ }ស្នងការនៃស្នងការដ្ឋាននគរបាលខេត្តបាត់ដំបង បានដឹកនាំកងកម្លាំងនគរបាល ចុះធ្វេីសកម្មភាពល្បាតនៅតាមមូលដ្ឋានក្នុងក្រុងបាត់ដំបងនិងស្រុកជាប់ព្រំប្រទល់ ។
លោកឧត្តមសេនីយ៍ទោស្នងការបានក្រេីនរំលឹកជារឿយៗដល់យុវជន នៅក្នុងមូលដ្ឋានខេត្តបាត់ដំបងទាំងមូល សូមបញ្ឈប់ជាបន្ទាន់និងជារៀងរហូតនូវសកម្មភាពប្រមូលផ្តុំពពាក់ពពូន ជាពិសេសនៅពេលយប់ជ្រៅនៅតាមទីសាធារណៈនិងចំណុចមួយចំនួនដែលតែងកេីតមាន ករណីហិ-ង្សាបង្កជម្លោះនិងភាពអាណាធិបតេយ្យធ្វេីឱ្យបាត់បង់សណ្តាប់ធ្នាប់សង្គមនិងភាពសុខសាន្តរបស់ប្រជាពលរដ្ឋ។ ជាមួយនេះក៏ស្នេីដល់ឪពុក ម្តាយ អាណាព្យាបាលនិងប្រជាពលរដ្ឋគ្រប់មជ្ឈដ្ឋានសូមចូលរួមក្នុងការអប់រំ ណែនាំតាមដានជាប្រចាំនូវសកម្មភាពប្រចាំថ្ងៃរបស់កូន-ចៅ របស់ខ្លួនចៀសវាងពួកគេដេីរចូលទៅក្នុងសកម្មភាពមិនល្អណាមួយ នាំទៅដល់អំពេីល្មេីសច្បាប់ក្នុងសង្គម នាំឱ្យមានវិប្បដិសារី នៅពេលក្រោយ ។ ដោយ អង្គភាព ប្រម៉ាញ់ជាយដែន
