(ប្រទេសថៃ)៖ បុរសពលករខ្មែរពិការ ភ្នែកម្នាក់សម្រេចចិត្ត អង្គុយសុំទានគេនៅ ក្នុងពិធីបុណ្យរំខួបព្រះ តេជគុណសូថន ត្រូវបានកម្លាំងអាជ្ញាធរ សង្គមកិច្ចខេត្ត សហការជាមួយ កម្លាំងសមត្ថកិច្ចថៃ ខេត្តសាក់ស៊ឹងសៅ បានធ្វើការ ឃាត់ខ្លួនភ្លាមៗនិង នាំងខ្លួនយកទៅសាក សួរបន្តរ។
ប្រភពពីសមត្ថកិច្ចថៃ ខេត្តសាក់ស៊ឹងសៅ បានអោយដឹងថាបុរស ខាងលើដែលសមត្ថកិច្ច ឃាត់ខ្លួនមានឈ្មោះ ឆប ភេទប្រុសអាយ២៣ឆ្នាំ បានអង្គុយពាក់វែនតា ខ្មៅកាន់ប្រអប់បរិច្ចាគ ប្រាក់ដោយសរសេរជា ភាសាថៃថា บริจาคเงิน ให้คนตา บอด (សូមចូលរួមបរិច្ចាគ ប្រាក់ជួយសង្គ្រោះ ជនពិការភ្នែក)ដោយ នៅក្នុងប្រអប់ បរិច្ចាគសមត្ថកិច្ចថៃ រកឃើញមាន ទឹកប្រាក់ចំនួន ១៣២៩បាត ២៥សាតាង។
ក្រោយពីសមត្ថកិច្ចធ្វើ ការសាកសួរ បុរសខាងលើបាន ប្រាប់ឲ្យដឹងថា ខ្លួនគាត់បានចូលមក ធ្វើការងារសំណង់ នៅក្នុងប្រទេសថៃបាន ១រយះមកហើយ ប៉ុន្តែជាអកុសល រូបគាត់បានជួប ឧបទ្ទវហេតុ កំពុងធ្វើការត្រូវដែក គោលភ្លាតត្រូវភ្នែក បណ្ដាលអោយគាត់ ពិការភ្នែកមើល លែងឃើញ ហើយធ្វើការអត់កើត ទើបគាត់ក៏ងាក មករករបរសុំទាន តាមកន្លែងដែលមាន កម្មវិធីបុណ្យផ្សេងៗតែម្តងទៅ។
បច្ចុប្បន្នបុរស ខាងលើត្រូវបាន អាជ្ញាធរសង្គមកិច្ច ប្រគល់ជូនសមត្ថកិច្ច អន្តោប្រវេសន៍ ខេត្តសាក់ស៊ឹងសៅ ដើម្បីបញ្ជូនអោយ វិលត្រឡប់ទៅ ប្រទេសកម្ពុជាវិញ៕