(ភ្នំពេញ)៖ករណីគ្រោះថ្នាក់ចរាចរណ៍រវាងរថយន្តនិងម៉ូតូបណ្តាលអោយស្លាប់ម្នាក់និងរបួសធ្ងន់ម្នាក់ហេតុការណ៍នេះកើតឡើងកាលពីវេលាម៉ោង០៣ទៀបភ្លឺឈានចូលថ្ងៃទី១៧ខែវិច្ចិការឆ្នាំ២០១៩ នៅតាមបណ្តោយផ្លូវព្រះនរោត្តម កែងផ្លូវលេខ១៧៨ ក្នុងសង្កាត់ជ័យជំនះខណ្ឌដូនពេញ រាជធានីភ្នំពេញ។
សមត្ថកិច្ចបានប្រាប់អោយដឹងថាសពជនរងគ្រោះមានឈ្មោះ វឿត សាឡង ភេទប្រុស អាយុ២០ឆ្នាំ មុខរបរជាងម៉ាស៊ីនត្រជាក់ ស្នាក់នៅម្ដុំ ទឹកថ្លា ខណ្ឌសែនសុខ រាជធានីភ្នំពេញ ដោយឡែកអ្នករួមដំណើរបានរងរបួសធ្ងន់មិនទាន់ស្គាល់អត្តសញ្ញាណឡើយ។
តាមប្រភពព័ត៌មានពី ប្រជាពលរដ្ឋ ម្នាក់បានឲ្យដឹងថាមុនកើត ហេតុជនរងគ្រោះដែលរង របួសធ្ងន់ត្រូវជាមិត្តភ័ក្ត្របាន ខ្ចីម៉ូតូពីរូបគាត់មួយ គ្រឿងម៉ាកឌ្រីមសង់ស៊េរី ២០១៧ ពាក់ស្លាក លេខភ្នំពេញ 1GM-9348 ជិះឌុបយុវជន ម្នាក់ទៀត(ស្លាប់) ដោយមិនបាន បញ្ជាក់ថាយកជិះ ទៅណានោះទេ ហើយធ្វើដំណើតាម បណ្តោយផ្លូវ១៧៨ ទិសដៅពីកើតទៅលិច ក្នុងល្បឿនលឿន លុះមកដល់ចំណុច កើតុហេតុឆ្លងមកផ្លូវនរោត្តម ក៏ជ្រុលទៅបុករថយន្ត មួយគ្រឿងមិនចាំម៉ាក បើកបរតាមបណ្តោយ ផ្លូវនរោត្តមទិស ដៅពីត្បូងទៅជើង ចំពីហៀងផ្នែក ខាងស្ដាំពេញទំហឹង បណ្តាលឲ្យដួលបោក ក្បាលនិងថ្នល់បែក ក្បាលស្លាប់នៅក្នុង ថ្លុកឈាមម្នាក់។
រីឯម្នាក់ទៀតរងរបួស ធ្ងន់ត្រូវបានបញ្ជូនទៅ សង្គ្រោះនៅឯមន្ទីរ ពេទ្យភ្លាមៗ ចំណែករថយន្ត មើលសភាពមិនស្រួល បានបន្តដំណើរ ទៅមុខទៀត បាត់ស្រមោល។
ក្រោយកើតហេតុ សមត្ថកិច្ចមូលដ្ឋាន បានចុះមកដល់ បានទំនាក់ទំនងទៅ សមត្ថកិច្ចជំនាញចុះ មកធ្វើការវាស់ វែងយកម៉ូតូទៅ រក្សាទុកបណ្តោះអាសន្ន ទុកប្រគល់ជូនសាច់ញាតិវិញ រឺឯសពសមត្ថកិច្ចបាន ធ្វើកំណត់ហេតុ រួចប្រគល់ជូនទៅ សាច់ញាតិយកទៅ ស្រុកកំណើធ្វើបុណ្យ តាមប្រពៃណី៕
