(ខេត្តបាត់ដំបង) ៖ នៅរសៀលថ្ងៃទី ១៨ ខែវិច្ឆិកា ឆ្នាំ ២០១៩នេះ ឯកឧត្តម ងួន រតនៈ អភិបាលនៃ គណ:អភិបាល ខេត្តបាត់ដំបង អបដំណើរដោយ លោកឧត្តម សេនីយ៍ទោ អ៊ុច សុខុន ស្នងការនៃស្នង ការដ្ឋាននគរបាល ខេត្តបាត់ដំបង បានជួបសម្តែង ការគួរសម និងរឹតចំណង សាមគ្គីភាពជាមួយ សមត្ថកិច្ចអាជ្ញាធរ ខេត្តច័ន្ទបុរី និងខេត្តស្រះកែវ នៃព្រះរាជាណាចក្រថៃ ។
នៅក្នុងជំនួប នេះផងដែរ លោកឧត្តមសេនីយ៍ទោ អ៊ុច សុខុន បានមានប្រសាសន៍ថា ដោយបានការ អនុញ្ញាតពីសម្តេច ក្រឡាហោម ស ខេង ឧបនាយករដ្ឋ មន្រ្តីរដ្ឋមន្ត្រីក្រសួង មហាផ្ទៃ និង ឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ នគរបាលជាតិ ទើបឯកឧត្តម ដឹកនាំគណ:ប្រ តិភូជួបសម្តែង ការគួរសម រឹតចំណងសាមគ្គីភាព និងថ្លែងអំណរគុណចំពោះ សមត្ថកិច្ចគ្រប់ថ្នាក់ នៃខេត្តច័ន្ទបុរី និងសមត្ថកិច្ច ខេត្តស្រះកែវ ដែលបានរួម សហការណ៍ ល្អក្នុងកិច្ចការរក្សា សន្តិសុខ សណ្តាប់ធ្នាប់ក្នុងនាម ជាខេត្តដែលមាន ភូមិផងជាប់គ្នា ជាមួយខេត្តបាត់ដំបង ជាពិសេសគឺការរួម សហការណ៍យ៉ាងស្អិតរមួត កាលពីថ្ងៃទី ៩ វិច្ឆិកា ឆ្នាំ២០១៩ ដើម្បីទប់ស្កាត់រាល់ សកម្មភាពប៉ុនប៉ង ផ្តួលរំលំរាជរដ្ឋា ភិបាលស្របច្បាប់ នៃព្រះរាជាណាចក្រកម្ពុជា ពីសំណាក់ក្រុម ឧទ្ទាមក្បត់ជាតិ ដែលមានទណ្ឌិត សម រង្សី ជាមេក្លោងដឹកនាំ ។
ក្នុងជំនួបនេះផងដែរ ឯកឧត្តមស្នងកា រនគរបាលខេត្តច័ន្ទបុរី បានសម្តែងនូវការអបអរ សាទរចំពោះគណៈ ប្រតិភូនៃស្នងការ ដ្ឋាននគរបាល ខេត្តបាត់ដំបង នៅក្នុងខេត្តចន្ទ័បុរី និងបានបង្ហាញនូវការ ចូលរួមសហការណ៍ ល្អប្រសើរទាំង ពេលបច្ចុប្បន្ន និងទាំងអនាគត និងរួមគ្នាបង្កា ទប់ស្កាត់ឲ្យបាននូវ រាល់សកម្មភាព ល្មើសច្បាប់ផ្សេងៗ ដូចជា ករណីគ្រឿងញៀន ករណីបទល្មើស ព្រហ្មទណ្ឌជាដើម ជាពិសេស ការរួមសហការណ៍ល្អ ក្នុងការទប់ស្កាត់ ឲ្យបានក្រុមឧទ្ទាម ណាមួយដែលឆ្លៀតយក ទឹកដីនៃ ព្រះរាជាណាចក្រថៃ ធ្វើសកម្មភាពប៉ុន ប៉ងបំផ្លាញសុខសន្តិភាព និងការអភិវឌ្ឍន៍ របស់ព្រះរាជាណាចក្រកម្ពុជា ។
បន្ទាប់ពីជំនួបខាងលើ ឯកឧត្តម ងួន រតនៈ អភិបាលនៃគណ: អភិបាកខេត្តបាត់ដំបង ក៏បានដឹកនាំប្រតិភូ ជួបសម្តែងការគួរ សមជាមួយឯកឧត្តម អភិបាលនៃគណ:អភិ បាលខេត្តចន្ទ័បុរី ព្រមទាំងបានប្រគល់ជូន នូវវត្ថុអនុស្សាវរិយ៍ មួយចំនួនផងដែរ ៕
